Question 1

காப்புத் தொகை (டெபாசிட்) இழப்பு என்றால் என்ன?

Accepted Answer

செல்லத்தக்க வாக்குகளில் ஆறில் ஒரு பங்குக்கு மேல் பெறாத வேட்பாளர் கட்டிய காப்புத் தொகையை இழக்கிறார். சட்டமன்றத் தேர்தலில் போட்டியிட ஒவ்வொரு வேட்பாளரும் காப்புத் தொகை கட்ட வேண்டும். தொகுதியில் பதிவான செல்லத்தக்க வாக்குகளில் (நோட்டா நீங்கலாக) ஆறில் ஒரு பங்குக்கு மேல் பெற்றால் அந்தத் தொகை திரும்பக் கிடைக்கும். ஒவ்வொரு தொகுதிப் பக்கத்திலும் வேட்பாளர் பட்டியலில் ஒரு கோடு உள்ளது: கோட்டுக்குக் கீழே உள்ளவர்கள் காப்புத் தொகையை இழந்தவர்கள். நா.த.க அட்டையில் "காப்புத் தொகைக்கு இன்னும் தேவை" என்பது அந்தக் கோட்டை எட்டத் தேவைப்பட்ட கூடுதல் வாக்குகள்.

Question 2

படிவம் 20 என்றால் என்ன?

Accepted Answer

ஒவ்வொரு வாக்குச்சாவடியிலும் ஒவ்வொரு வேட்பாளரும் பெற்ற வாக்குகளைக் காட்டும் அதிகாரபூர்வ இறுதி முடிவுத் தாள். வாக்கு எண்ணிக்கை முடிந்ததும் தேர்தல் நடத்தும் அலுவலர் ஒவ்வொரு தொகுதிக்கும் படிவம் 20 தயாரிக்கிறார். அதில் ஒவ்வொரு சாவடியின் வரிசையும், கடைசியில் தபால் வாக்குகளும் மொத்தமும் இருக்கும். தமிழ்நாடு தலைமைத் தேர்தல் அதிகாரியின் இணையதளத்தில் 234 தொகுதிகளின் படிவம் 20-ம் PDF ஆக உள்ளன. இந்தத் தளத்தின் சாவடி எண்கள் அனைத்தும் அவற்றிலிருந்து.

Question 3

தபால் வாக்குகள் ஏன் சாவடி வாரியாக இல்லை?

Accepted Answer

தபால் வாக்குகள் தொகுதி முழுவதற்கும் சேர்த்து ஒரே இடத்தில் எண்ணப்படுகின்றன; எந்தச் சாவடி என்று பிரிக்க முடியாது. அதனால் ஒரு தொகுதியின் எல்லாச் சாவடிகளின் கூட்டுத்தொகை, அந்தத் தொகுதியின் மொத்த வாக்குகளை விடத் தபால் வாக்குகள் அளவுக்குக் குறைவாக இருக்கும். தொகுதிப் பக்கத்தில் "இயந்திரம் / தபால்" நிரலில் இரண்டும் தனித்தனியாக உள்ளன.

Question 4

கிங்மேக்கர் சாவடி என்றால் என்ன?

Accepted Answer

நா.த.க பெற்ற வாக்குகள், அந்தச் சாவடியில் முதலிடத்துக்கும் இரண்டாமிடத்துக்கும் உள்ள வித்தியாசத்தை விட அதிகமாக உள்ள சாவடி. அந்தச் சாவடிகளில் நா.த.க வாக்காளர்கள் முடிவைத் தீர்மானிக்கும் நிலையில் இருக்கிறார்கள். அங்கு நம் வாக்குகள் கூடினால், மற்ற கட்சிகள் நம்மைப் புறக்கணிக்க முடியாது. ஒவ்வொரு தொகுதியின் "சிறந்த நா.த.க சாவடிகள்" பக்கத்தில் கிங்மேக்கர் சாவடிகளின் பட்டியல் உள்ளது.

Question 5

வாக்குப் பங்கு எப்படிக் கணக்கிடப்படுகிறது?

Accepted Answer

வேட்பாளர் பெற்ற வாக்குகளை, அந்தத் தொகுதியின் செல்லத்தக்க வாக்குகளால் (நோட்டா நீங்கலாக) வகுத்து 100-ஆல் பெருக்குவது. சில இணையதளங்கள் நோட்டாவையும் சேர்த்த மொத்த வாக்குகளால் வகுக்கின்றன; அதனால் அவற்றின் சதவீதம் சற்றுக் குறைவாக இருக்கும். காப்புத் தொகையும் செல்லத்தக்க வாக்குகளை வைத்தே கணக்கிடப்படுவதால் இங்கு அதையே பயன்படுத்துகிறோம். சாவடி அளவிலும் இதே முறை.

Question 6

சாவடி எண்கள் ஏன் பழைய வாக்காளர் அட்டையில் உள்ளதிலிருந்து மாறியுள்ளன?

Accepted Answer

2025–26 சிறப்பு தீவிர திருத்தத்தில் (SIR) வாக்காளர் பட்டியலின் பாகங்கள் மீண்டும் பிரிக்கப்பட்டன; சாவடி எண்களும் மாறின. இந்தத் தளத்தின் சாவடி எண்கள் ஏப்ரல் 2026 தேர்தலுக்கானவை. பழைய எண்ணை வைத்துத் தேடினால் வேறு சாவடி வரலாம்; உங்கள் தெரு அல்லது ஊர் பெயரைச் சாவடிப் பட்டியலில் தேடுங்கள்.

Question 7

வாக்கு எண்ணிக்கை எப்படி நடக்கிறது?

Accepted Answer

முதலில் தபால் வாக்குகள், பிறகு மின்னணு இயந்திரங்கள் சுற்று சுற்றாக; கடைசியில் ஒப்புகைச் சீட்டு (VVPAT) சரிபார்ப்பு. ஒவ்வொரு சுற்றிலும் பல சாவடிகளின் இயந்திரங்கள் எண்ணப்படுகின்றன. எல்லாச் சுற்றுகளும் முடிந்ததும் சில சாவடிகளின் ஒப்புகைச் சீட்டுகள் இயந்திர எண்ணுடன் ஒப்பிடப்படுகின்றன. அதன்பின் படிவம் 20 தயாரிக்கப்படுகிறது.

Question 8

உள்ளாட்சித் தேர்தலுக்கு இந்தத் தரவு எப்படி உதவும்?

Accepted Answer

சட்டமன்றத் தேர்தலின் சாவடி முடிவுகள், ஒவ்வொரு வார்டிலும் ஊராட்சியிலும் கட்சிகளின் பலத்தைக் காட்டுகின்றன. உள்ளாட்சித் தேர்தல் வார்டு அளவில் நடக்கிறது. ஒரு வார்டில் வாக்களிக்கும் சாவடிகளின் முடிவுகளைக் கூட்டினால், அங்கு நம் நிலை தெரியும். குமாரபாளையம் தொகுதிக்கு ஊராட்சி, நகராட்சி, வார்டு வாரியான பக்கங்கள் உள்ளன.

கேள்வி-பதில்

எல்லாக் கேள்விகளும்